A semana cultural chega á súa fin, e
o único que podemos dicir é grazas a todas as persoas que a fixeron posible:
grazas ao alumnado de primaria por acudir e implicarse tanto nas actividades;
grazas ao profesorado que nos axudou en todo momento, grazas ao alumnado de
secundaria que traballou duro para levar a cabo este proxecto, e grazas a vós
por seguir día a día, artigo a artigo, todos e cada un dos nosos pasos.
O noso máis fondo agradecemento tamén
a todas esas persoas que non adoitamos mencionar pero que son imprescindibles
na nosa escola, e máis aínda nestes días tan intensos; esas persoas son Pepe, o
noso encargado de mantemento, o equipo de limpeza, que fai posible que o noso
espazo de traballo se manteña limpo e en orden, e a Pili, a nosa vendedora de
bocatas inmortal.
Grazas á semana cultural, tanto o
alumnado como o profesorado desenvolvemos a nosa capacidade de reacción ante os
problemas e tamén aprendemos a traballar en equipo. Esta saída da rutina, pouco
común na maioría de colexios, ensínanos moito en moi pouco tempo.
Sobre todo, apreciamos moito que toda
a xente que visita o noso blog e redes sociais poida ver o que traballamos cada
día dende Estados Unidos ata a India, e que así eles poidan tamén aprender algo
con nós.
Por todo isto e moito máis despedimos
esta semana cultural coa sensación de ter feito un bo traballo e agardando a do
ano que vén, que recibiremos cos brazos abertos.
Despídese o equipo de xornalismo.
P.D.Este ano non saíu todo como cabía
esperar, saíu mellor :)
No hay comentarios:
Publicar un comentario