Un día a mediados de febreiro empezáronnos a
falar da semana cultural, este ano adicada ao século XX. Previamente os mestres
e as mestras reuníronse, xa en setembro, para falar de cando ía ser, do que se
podía mellorar respecto a anos anteriores e dos posibles temas centrais deste ano. A partir de aí puxémonos a falar
por grupos sobre os distintos obradoiros que cada un podía desenvolver.
Comezamos a preparación con moito entusiasmo e
o primeiro que fixemos foi preguntar a que grupos ía estar dirixida a actividade, xa que dependendo da
idade do público que nos chegase teríamos que presentar a información dunha
maneira ou outra; logo falamos das actividades que poderíamos ofrecer para que
fose posible aprender e divertirse dunha maneira diferente. Despois de ter claro
todo isto tivemos que ver que materiais necesitabamos e en que espazo iamos
desenvolver a actividade.
Para a preparación do material contamos coa
inestimable axuda de Pepe , o encargado de mantemento (o manitas) do cole. Este ano fixo uns paus
cos que despois os rapaces e as rapazas construirán unha guitarra, e tamén fixo
unhas rodas que servirán para crear un coche que funciona con enerxía renovable.
Isto non é pouco, xa que son moitas as persoas que pasan por cada obradoiro. A
Pepe, coma a todos nós, gústalle ver como disfrutan os rapaces e rapazas nesta
semana.
A opinión maioritaria dos rapaces e rapazas que levan
a cabo os obradoiros é que ao comezo destes costa un pouco habituarse ao duro traballo, pero despois de facelo dúas ou tres veces xa se lle colle o
tranganillo, e xa é máis doado. Por outra parte, unha vez que entra o público
distribúese en grupiños para facer distintas actividades dentro do obradoiro. E
por último, aínda que non todas as persoas se implican da mesma maneira, o
resultado final é satisfactorio.
E a conclusión de todo isto é que a Semana Cultural é unha semana diferente na cal se aprende bastante pero dunha maneira distinta e creativa, de maneira que aos nenos e as nenas lles custa menos levar a termo as actividades sen deixar sitio para o tedio.
No hay comentarios:
Publicar un comentario