jueves, 11 de abril de 2019

O século XX: unha ollada cara o noso pasado



O século pasado? Considérase o período de tempo abarcado desde 1901 ata 2001 pero, é así para todo o mundo? Se es un postmilenial vivirás probablemente toda a túa vida dentro do mesmo século (XXI), pero se naceches antes de que este comezase pode que sintas que o século XX nunca rematou.
Vivimos nun entorno condicionado polas decisións tomadas hai tan só uns anos; de carácter positivo ou negativo, non podemos desprender o presente dos sucesos do pasado.
Case todos os ámbitos da nosa realidade son como son, debido ás profundas mudanzas que se deron no século XX: a ciencia, a tecnoloxía, a cultura, a economía ou mesmo as relacións sociais mudaron de forma máis notoria ao longo do século XX que nos mil anos anteriores. Vexamos uns exemplos:

No ámbito científico houbo referentes como Albert Einstein, quen desenvolveu a teoría da relatividade, Rosalind Franklin, química que contribuíu á comprensión do ADN ou Neil Armstrong, o primeiro home en pisar a Lúa, e que rematou coa carreira espacial de Estados Unidos e a Unión Soviética. Cabe destacar tamén que ademais do foguete tripulado por Armstrong, lanzáronse moitos máis satélites e foguetes ao espazo.
Investigouse máis acerca da estrutura do átomo, creando novas teorías como a de Rutherford ou Thomson, e máis tarde creouse a táboa periódica.
Tamén se fixeron moitos avances nas enerxías, como a enerxía nuclear, a eléctrica, os combustibles fósiles, etc.
 Pero non todos os descubrimentos científicos foron bos:  A enerxía nuclear, coa que se fabricou a bomba atómica, que ocasionou centos de miles de mortes tras a súa detonación en Hiroshima e Nagasaki, ademais de contaminar o medio ambiente. Tras o desastre de Chernóbil fixo que se impulsase a investigación acerca das enerxías renovables; e antes da chegada á Lúa houbo un longo proceso no que ambos os dous países implicados invertiron moitísimos recursos. E estes tan só son algúns exemplos…

No ámbito tecnolóxico destacou o descubrimento da electricidade, este modificou a duración e a distribución horaria das actividades, tanto individuais como sociais. Anos máis tarde viu a luz a televisión, un medio de comunicación que revolucionou a vida en sociedade, pero que dalgunha maneira serviu para “controlar” á poboación. Tras a televisión tratouse de maximizar a capacidade de comunicación a distancia, o que levou á invención do teléfono móbil e todo o que chegou con el.
Tamén se realizaron avances no transporte, co desenvolvemento de coches máis modernos e avións de maior potencia, tanto con fins militares como de transporte, aínda que isto supuxo unha maior utilización de combustíbeis fósiles non renovables e que danan o medio ambiente drasticamente.
Tamén se inventaron aparellos actualmente moi utilizados e imprescindibles como o microondas, o bolígrafo e as máquinas de afeitar entre outros; todos estes nacen da Segunda Guerra Mundial, que ocasionou moitas mortes, e hoxe en día son moi importantes nas nosas vidas.

No ámbito cultural destaca a cultura musical, creándose así as bases de moitos estilos que perduran ata hoxe en día, algúns deles son o Blues, Jazz, Charlestón, Rock&Roll (encabezado por Elvis Presley), Rock&Pop (cos Beatles como primeiros artistas), Disco (Jackson Five), Pop (Michael Jackson) , Electro Rock, Heavy Metal, Hip-Hop e Rap entre outros. Estes estilos musicais orixináronse no século XX, debido a necesidade de entretemento da xente, pero, non todo foi positivo na cultura musical xa que, a causa da aparición destes distintos estilos créanse certas tensións entre as diferentes tribus urbanas que acaban de nacer.
A arte evolucionou moito nesta etapa, nacendo estilos como o modernismo, cubismo, expresionismo, art decó, surrealismo, pop art, minimalismo ou hiperrealismo entre outros. A arte do século XX caracterízase por ser activa, variada e participativa, ademais de dirixirse cara a todos os sectores da poboación, non tan só para as elites.
Tamén destaca a cultura deportiva, creándose así os xogos paralímpicos, unha competición deportiva internacional na que compiten todo tipo de persoas con discapacidades. Ademais acrecéntase a práctica da dopaxe para ter máis capacidade física, a medida que a ciencia aporta novas “drogas” que poden mesmo chegar a ser prexudiciais para a saúde.
Outro campo cultural moi importante no século XX foi o da alimentación, xa que este mudou bastante con respecto ao s. XIX. O primeiro cambio que notamos e o do fenómeno chamado “fast food”, é dicir, comida rápida, popularizándose así as pizzerías e hamburgueserías. A creación destes locais deu paso a un cambio no sistema de etiquetado e envasado, prexudicial para o medio natural, polo abundante uso do plástico como envase principal.

A economía variou moito ao longo deste século, tivo subidas e baixadas co comezo e cese das numerosas guerras, todas elas impulsadas pola disputa entre capitalismo e comunismo, os dous grandes sistemas económicos do século XX: a primeira e a segunda guerra mundial, a guerra fría, a guerra de Irán e Irak…, tamén houbo moita variación en Alemaña, co comezo e fin do réxime nazi, e coa caída do muro de Berlín (1989), tras o que a súa economía mellorou considerablemente. Tamén outras ditaduras como a de Franco, Mussolini, Stalin, Pinochet, Salazar...tiveron moita importancia neste campo.
No ano 1945 creouse a Organización de Nacións Unidas, o que supuxo unha mellora para algúns países e sectores da poboación. Tamén no século XX se comezou a loitar polos dereitos de todas as razas e xéneros, unha loita que hoxe en día aínda segue en vigor.

Cada unha das cousas que imos contando vai, inevitablemente, influíndo nas demais: a electricidade trae máis tecnoloxía, a tecnoloxía tráenos a televisión (e máis tarde Internet), e todo isto afecta ao noso modo de vivir, de traballar e tamén ao noso tempo de lecer: fanse grandes avances nos xoguetes, debuxos animados e videoxogos, os cales chegan da man da revolución tecnolóxica que está en auxe hoxe en día.

Como podedes apreciar, o século XX foi unha etapa de descubrimentos e avances, pero sobre todo de cambios, pois nestes 100 anos evolucionouse máis que nos 1000 anteriores.
Este século deixounos inventos de carácter moi positivo en todos os campos, pero tamén outros que desexaríamos non ter coñecido.
Cabe destacar a evolución que houbo na vida cotiá, xa que se podería dicir que a principios do s.XX a vida era máis semellante á da Idade Media que a actual, pero, o transcurso do tempo fixo que a poboación fose avanzando grazas á chegada de novos descubrimentos intimamente relacionados coa actual vida moderna. Algúns destes descubrimentos foron negativos para a sociedade actual, e hoxe en día todos temos que cargar co dano feito e tratar de revertelo.
Para concluír esta “reflexión” sobre o século XX, debemos dicir que, neste novo século onde habitamos, o século XXI, estamos a tratar de mellorar ou polo menos solucionar os erros cometidos nestes últimos anos, todo depende de nós.

O futuro promete!

 
Redactado por Z.S.S e M.V.P.

No hay comentarios:

Publicar un comentario

E sen máis, nada máis

A semana cultural chega á súa fin, e o único que podemos dicir é grazas a todas as persoas que a fixeron posible: grazas ao alumna...