É fundamental que a formación dos nosos cativos e cativas se aborde dende o primeiro momento, por iso o alumnado de infantil da nosa escola tamén, como non, participa desta semana connosco.
No edificio de
infantil lévanse a cabo catro obradoiros. O primeiro do que imos falar é do de
panadería, organizado polo alumnado de primeiro de E.S.O.
PANADERÍA
Este é un obradoiro no
que os nenos e nenas de tres, catro e cinco anos poden aprender a facer pan e
galletas.
Para organizalo o
comedor de infantil divídese en catro espazos situados ao redor de catro mesas; en
cada unha das mesas hai un pequeno “volcán” de fariña, levadura e auga co que
se fai a masa do pan.
Os nenos e nenas de
secundaria elixiron este tema para demostrar que o pan que compran na panadería
ten un longo proceso que convén pór en valor antes de chegar ás súas mans.
ARTE
Neste espazo, situado
na clase de plástica de infantil, o alumnado representa unha pequena obra de teatro sobre
catro importantes pintores do século XX. Ao finalizar a obra, os nenos e nenas
intentarán pintar os cadros destes pintores. A aula divídese en dous grupos
repartidos en sendas mesas.
XOGOS
OLÍMPICOS
Seguimos a nosa visita
por infantil e no patio atopamos os pequenos e pequenas facendo un debuxo coas mans para
representar o símbolo dos xogos olímpicos, e se continuamos aínda mais podemos ver no
ximnasio a outra metade do grupo facendo un percorrido deportivo con
diferentes actividades.
O alumnado de segundo
dirixe un obradoiro de pintura e música para que os nenos e nenas teñan en
conta como pode influír a música nos nosos sentimentos e no noso estado de
ánimo. Lévanse a cabo dúas actividades, na primeira os pequenos terán que
debuxar sobre un papel o que lles transmite a música que soa nese momento, e na
segunda terán que facer un rompecabezas para reconstruír unha importante obra
de arte.
As mellores fotos!
ResponderEliminar