Que somos? Somos materia, somos
seres vivos, somos persoas, somos individuos, ou non tan individuos? O feito é
que se miramos dende preto, somos un conxunto de átomos, pero... que é un
átomo?
Un átomo é a unidade mais
pequena que hai en calquera elemento, intervén nas reaccións químicas e posúe
as propiedades químicas de dito elemento. E nós somos átomos.
Se nos adentramos na aula de
matemáticas de terceiro e cuarto de E.S.O. podemos asistir a un obradoiro sobre
o átomo, organizado polo alumnado de cuarto. Aquí aprenderemos dende a
estrutura ata os diferentes tipos de átomos existentes. Este obradoiro está
dirixido ao alumnado de quinto e sexto de primaria.
A aula divídese en cinco
espazos, cada un adicado a diferentes actividades e presentacións. Para
organizar este obradoiro o alumnado traballou as tres primeiras horas da mañá
dos mércores durante as últimas tres semanas.
O primeiro espazo trata sobre a
fisión e a fusión nuclear, e explica aos nenos e nenas, por medio dunha
presentación, a maneira en que se forman e desenvolven estas reaccións
nucleares; e para que aprendan a súa estrutura ralizan unha actividade que
consiste en construír a maqueta dun átomo con diferentes materiais.
Este espazo é moi interesante
porque permite investigar sobre unha unidade que non se pode ver a simple
vista.
O segundo espazo explica os
elementos da táboa periódica e como están distribuídos nela. Para comprobar que
os conceptos quedan claros fan un xogo no cal os ponentes propoñen unha adiviña
que consiste en dicir un elemento da táboa periódica e o público intentará
adiviñar o grupo a que pertence.
O alumnado escolleu este tema
porque querían ter máis coñecementos dos que aprenderon en clase e
transmitirllos aos nenos pequenos.
O terceiro espazo comprende
dende o primeiro modelo átomico ata o último que se coñece. Comezan cunha
pequena explicación e a continuación fan un xogo que consiste en chegar ao
punto final dun percorrido por medio de preguntas, este xogo seméllase ao
Pac-man.
O cuarto espazo está adicado á
estrutura dos átomos. Primeiro os alumnos explican como se forman e de que
están compostos para despois facer dous experimentos sobre as propiedades da
materia.
Aquí os
nenos e nenas poden facerse unha idea de como é o mundo da física.
É un proxecto interesante
porque hai veces que nos preguntamos de que están feitos os obxectos e non
atopamos resposta, e esta actividade pode resolver estas dúbidas.
O último obradoiro explica os
cambios da materia mediante unha breve explicación e dous experimentos para
demostrar a solubilidade e a impermeabilidade. Os alumnos organizan este espazo
porque lles pareceu interesante para os pequenos xa que o fan con experimentos.
Se queredes saber como son os
outros obradoiros podedes ler os demais artigos deste blog.
No hay comentarios:
Publicar un comentario