A intención do xornalismo é transmitir ao público ideas
claras, concisas, concretas e veraces. Trata de reflectir feitos mediante o
verbo.
Nós decidimos integrarnos neste proxecto porque nos atraíu a
idea de informar a xente da escola, e tamén de fóra, sobre o que está a
acontecer no noso segundo fogar; estivemos a ver os blogs de xornalismo dos
anos anteriores e démonos conta dos grandes resultados que lograran; a
continuación puxémonos a meta de superar ese traballo e deixar o listón aínda
máis alto para os os próximos anos.
O noso traballo comeza investigando sobre as actividades dos
demais grupos: primeiro tivemos que ir de clase en clase preguntando en que
consistía cada proxecto e a que público ía destinado. A continuación
dividímonos en parellas, e cada unha céntrase nun obradoiro en concreto para
logo desenvolver un artigo que permita ao público interesado conectar connosco
e saber o que acontece na escola nesta loucura de semana cultural.
O obradoiro xornaístico ten moito traballo por detrás. O
artigo final ten que ir matizándose moito a medida que avanzamos; o máis
difícil é comezar o texto dunha maneira atractiva, e conseguir que o interese
non decaia…
Para amosar de que estamos falando acompañamos os textos de
imaxes porque se ben é certo que “unha imaxe NON vale máis que mil palabras”,
tamén é certo que vivimos nunha sociedade moi visual e as imaxes completan o
sentido dos textos, e aínda o melloran.
Para levar a termo o noso traballo repartimos
responsabilidades: algúns de nós traballamos en redacción, outros en fotografía
e edición de imaxe, e outros como Community Manager das RRSS da escola.
A fotografía debe cumprir as necesidades de todos os
redactores e redactoras, polo que hai que ir de clase en clase sacando fotos as
fotos que demandan desde a redacción.
Os community manager levan as redes sociais do colexio e
encargándose de divulgar os contidos publicados no blog da semana cultural para
que a información chegue ao maior público posible o máis rápido posible e que
estea a disposición de todo o mundo.
Para cumprir coa lei de protección de datos temos que ter
coidado de non publicar fotos persoais do alumnado do colexio nas que se nos
poda recoñecer, xa que non se debe publicar imaxes de menores de idade, e non
queremos infrinxir esta norma.
.
Moitas grazas, equipazo.
ResponderEliminarDesfrutei moito en vivo e despois na casa seguindo o voso traballo de xeito virtual.