Comezamos un novo día
na semana cultural, esta vez, para nos adentrar na aula de galego dos primeiros
ciclos de primaria. Pero nada máis entrar na clase, esta parece estar chea de
materiais inservibles… Inservibles? Ou reutilizables?
O alumnado de terceiro
e cuarto que dirixe este obradoiro e ensínanos a facer cinco tipos de
instrumentos usando materiais que se poden reciclar. O obxectivo é que nos
deamos conta de que se poden facer instrumentos con cousas que se atopan
facilmente en calquera casa.
Teremos que facer
distintos tipos de instrumentos dependendo do curso: Os nenos e nenas de tres
anos farán unhas maracas con dous vasos unidos con arroz dentro.
Os de catro e cinco
anos farán uns crótalos feitos cunha tira de cartón e dúas chapas pegadas nos
extremos.
Os de primeiro e
segundo de primaria construirán un pim-pom; primeiro terán que recortar un
cartón en forma de círculo e pegalo a un pau de madeira, do círculo de cartón
saen dous fíos cunha bóla de cor na súa punta.
Os de terceiro e cuarto de primaria farán un monocorde cun pau de madeira e un fío de pesca.
Os de quinto e sexto
de primaria intentarán facer un bicañófono (xa que o instrumento é inventado,
houbo tamén que inventarlle un nome) con dúas canas e cinta adhesiva.
Para facer estes
instrumentos os alumnos e as alumnas de secundaria que conducen a actividade
traballaron os luns previos á semana cultura durante as tres últimas horas da
mañá, e tamén os xoves ás tres primeiras horas.
O mellor artigo do blog!
ResponderEliminar