Deportes.
A actividade física é moi importante. Os rapaces
e rapazas de 1º e 2º de E.S.O. que organizan este obradoiro enfocado aos
deportes téñeno moi claro.
Con esta temática, os ponentes tratan de
amosar aos nenos e ás nenas de 3º e 4º algúns aspectos do deporte que ata agora
lles eran algo alleas, e contar tamén algunhas categorías do deporte que se
iniciaron no século XX, época na que se centra a semana cultural este ano.
Á nosa chegada ao obradoiro averiguamos que foi
preparado no ximnasio e ten o seu “cuartel xeral” dividido entre a clase de
drama e o patio cuberto. Tamén descubrimos que o obradoiro está dividido en
tres grupos, cada un cun tema distinto pero sempre xirando arredor da idea
central.
No primeiro grupo atopamos unha temática tan
interesante como peculiar, a dopaxe. Nesta parte do obradoiro dáse unha
explicación completa ao público sobre que é a dopaxe e en que consiste. Despois
dela, os cativos fan unha divertida carreira simulando que están dopados e
contando con ferramentas como como antifaces ou cordóns para proporcionar unha
experiencia máis real.
Os organizadores desta parte explícannos que o
seu obxectivo e amosar ata que punto podemos chegar as persoas para lograr as
nosas metas, pasando pola dopaxe por exemplo.
No segundo grupo que visitamos podemos observar unha iniciativa á que non lle falta razón, pois o tema a tratar son os xogos paralímpicos.
No segundo grupo que visitamos podemos observar unha iniciativa á que non lle falta razón, pois o tema a tratar son os xogos paralímpicos.
A exposición consiste na orixe destes xogos e a
mención dalgúns atletas importantes nesta disciplina. Tras isto, o público
poderá realizar un xogo poñéndose na pel dunha persoa con discapacidade visual
por uns minutos e utilizando antifaces e unha pelota de poliespán rechea de
chapas, das cales os nenos e nenas poden seguir o son.
Este grupo trata de concienciar o público sobre
como é a vida da xente con distintas discapacidades, pero tamén pretende
visibilizar estes xogos que moita xente aínda non coñece.
Ao rematar a exposición, faise un circuíto
militar no que se deben superar obstáculos como o poldro ou os bancos, e
realizar exercicios con aros, colchonetas....
Os ponentes din que o seu obxectivo é contar como
é a vida militar e o dura que pode chegar a ser no transcurso dunha guerra.
No hay comentarios:
Publicar un comentario